THE SMASHING MACHINE (2025) ANMELDELSE

The Smashing Machine er ein skuffelse. Dwayne Johnson prøver hardt å vere ein «seriøs» skodespelar i rolla som Mark Kerr, men han manglar dybda til Mickey Rourke. Han er best når han er sint, men elles blir spelet for beherska, og den naturlege sjarmen og gnisten han har i actionfilmar er heilt borte her. Det verkar som eit desperat forsøk på «Oscar-frieri» der han tvingar seg inn i ein tragedie, og diverre tapar han det som gjer han til ein god entertainer på vegen.

Filmen prøver seg på ein rå, dokumentarisk 90-talsstil, men resultatet kjennest distansert og laust samansett utan mål og meining. Vi får ingen ordentleg narrativ start, berre fragment av elende: Kerr som set sprøyter, Kerr i sjukehussenga, og eit dørjande kjedeleg ekteskapsdrama med ei bortkasta Emily Blunt. Filmen manglar den menneskelege varmen som gjorde The Wrestler til ein klassikar. Det einaste positive er at sporten blir vist utan glamour, men totalt sett er dette ei historie som hadde passa betre som ein faktisk dokumentar. Filmen er rett og slett dårleg.

TERNINGKAST 2